तेस्रो आँखा
काठमाडौं, ७ असार । पछिल्लो २४ घण्टामा नेपालभर थप १९ जनामा कोरोना संक्रमण पुष्टि भएको छ ।
जम्मा दुई हजार आठ सय १४ जनाको नमुना परीक्षण गर्दा १९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार सात सय ३१ जनाको पिसिआर परीक्षण गर्दा १४ जनामा र एक हजार ८३ जनाको एन्टीजेन परीक्षण गर्दा पाँच जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने १० जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या एक सय २४ रहेको छ ।
