तेस्रो आँखा
ओखलढुंगा,२४ असार। ओखलढुंगाको चिशंखुगढी गाउँपालिका २ पोखरेमा शहीद क्या यज्ञबहादुर थापाको शालिक निर्माण गरिएको छ । चिशंखुगढी गाउपालिका २ स्थित तीनधारेमा उक्त शालिक निर्माण गरिएको हो ।
पंचायत विरुद्धको आन्दोलनका अगुवा कमाण्डर लोकतन्त्रवादी नेता शहीद क्या यज्ञ बहादुर थापाको इतिहास ज्युदो राख्न गाउँपालिकाले शालिक निर्माण गरेको गाउँपालिका अध्यक्ष निशान्त शर्माले बताए । उनले सामाजिक सञ्चाल मार्फत शालिक निर्माणाकाे तस्वीर आजै सार्वजनीक गरेका छन् ।
थापा २०३१ सालको ओखलढुङगा कब्जा गर्ने टोलीको कमाण्डर थिए । उनलाई पंचायत सरकारले सर्वोच् अदालतबाट मृत्युदण्डको फैसला गराएर २०३५ माघ २७ गते हत्या गरेको थियो ।
थापाको सम्मानमा चिशंखुगढ़ी गाउपालिकाले शालिक निर्माणमा सहयोग गरेको क्या यज्ञबहादुर थापा स्मृति प्रतिष्ठानका अध्य तथा गाउपालिका उपाध्यक्ष सन्तोषबाबु थापाले बताए । प्रतिष्ठानका नाममा रहेको जग्गामा शालिक तथा भवन निर्माणको काम भैरहेको बताइएको छ ।
