तेस्रो आँखा
काठमाडौं, २६ असार । संयुक्त राष्ट्रिय जनमोर्चा आन्दोलनका संयोजक शेखरजङ्ग रायमाझीले देशको राज्यप्रणाली बदल्न आवश्यक रहेको बताएका छन् ।
आइतबार काठमाडौंमा आयोजित एक कार्यक्रममा उनले राजनीतिक प्रणाली गलत भएको कारणले देशको राष्ट्रियता र इज्जत माथी पटकपटक प्रश्न उठेको बताउँदै देशको राज्य प्रणाली बदल्न आवश्यक रहेको बताएका हुन् ।
प्रत्येक दस दस वर्षमा नागरिकता नीति परिवर्तन गरेर देशको वैदेशिक नीति कमजोर पार्ने काम भएको उनले बताए । राज्य प्रणाली पटकपटक बद्लिएको तर देशको राष्ट्रियता र इज्जतमा झन् आँच आउदै गएको उनले स्पष्ट पारे । नागरिकता विधेयक फिर्ता लिएर बिदेशी शक्तिको गुलामीको रुपमा नागरिकता ल्याउने तयारी भएको भन्दै उनले त्यसप्रति आपत्ति व्यक्त गरे ।
