तेस्रो आँखा
काठमाडौं, २९ असार। सरकारले एक वर्षको अवधिमा आफूले गरेका कामको विवराण सार्वजनिक गरेको छ । बुधबार प्रधानमन्त्री शेरबहादुर देउवाको सचिवालयले देउवा सरकारको समयमा हासिल गरेका ४२ उपलब्धि सार्वजनिक गरेको हो ।
सरकारको उपलब्धिमा स्थानीय तह निर्वाचन सम्पन्न, कोभिडको मारमा परेकालाई विशेष प्याकेजको व्यवस्था लगायतका विषय समेटेको छ । त्यस्तै एमालेले गरेको ९ महिनादेखिको संसद अवरोध अन्त्य, भारतीय प्रधानमन्त्री नरेन्द्र मोदीको लुम्बिनी भ्रमण लगायतका विषय पनि समेटिएको छ । सरकारले ६८ वर्षमा वृद्धभत्ता दिने र किसानलाई पेन्सन दिने व्यवस्थाको सुरुवातलाई पनि उपलब्धिमा राखेको छ ।
