कास्की, ६ साउन । पोखरामा एनएमबी बैंकको एटिएम मेसिन फोरेर १५ लाख रुपौयाँ चोरी भएको छ । गएराति पोखरा महानगरपालिका–२६ अर्घोचोकमा चोरी भएको प्रहरीले जानकारी दिएको छ ।
बैंकले अघिल्लो दिन एटिएममा १७ लाख रूपैयाँ राखेकामा दुई लाख रूपैयाँ ग्राहकले निकालेको र बाँकी पैसा चोरी भएको बताएको छ ।
घटनाको अनुसन्धान भइरहेको र चोरी गर्नेको खोजतलास तीव्र बनाइएको जिल्ला प्रहरी कार्यालय कास्कीले जनाएको छ ।
