तेस्रो आँखा
काठमाडौं । पछिल्लो चौबीस घण्टामा नेपालभर थप दुई सय ५७ जनामा कोरोना भाइरस पुष्टि भएको छ ।
जम्मा तीन हजार नौ सय २१ जनाको नमुना परीक्षण गर्दा दुई सय ५७ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार चार सय ५८ जनाको पिसिआर परीक्षण गर्दा एक सय ४३ जनामा र दुई हजार चार सय ६३ जनाको एन्टीजने परीक्षण गर्दा एक सय १४ जनामा कोरोना देखिएको हो ।
चौबीस घण्टामा कोरोना संक्रमणको कारण कसैको मृत्यु भएको छैन भने दुई सय ३२ जना संक्रमित निको भएका छन् ।
हाल नेपालभर सक्रिय कोरोना संक्रमितको सख्ंया तीन हजार एक सय ४६ रहेको छ ।
