काठमाडौं। बेलायती महारानी एलिजाबेथ द्वितीयाको निधनमा नेपालले आज शनिबारदेखि तीन दिन शोक मनाउने भएको छ । मन्त्रिपरिषद्को शुक्रवार बसेको बैठकले उनको सम्मानमा तीन दिन शोक मनाउने निर्णय गरेको हो । बेलायती महारानीको निधनप्रति दुःख पनि व्यक्त गरेको छ ।
बैठकले भदौ २५ देखि २७ गतेसम्म तीन दिन शोक मनाउने निर्णय गरेको हो । यस्तै तीन दिन नेपालभरका सरकारी कार्यालय, विदेशमा रहेका नेपाली राजदूतावास र नियोगहरूमा राष्ट्रिय झण्डा आधा झुकाइने भएको छ । प्रधानमन्त्री शेरबहादुर देउवाको अध्यक्षतामा बसेको वैठकले यस्तो निर्णय गरेको हो । एलिजाबेथ द्वितीयाको बिहीवार राति ९६ वर्षको उमेरमा निधन भएको थियो ।
