काठमाडौं । सोह्रश्राद्ध अन्तर्गत आज तृतीया श्राद्ध गरिँदैछ। सोह्रश्राद्धको प्रारम्भसँगै अबका सकल पक्षहरू पितृ पक्षका स्वरूपमा आउँदै जाने विश्वास गरिन्छ । प्रत्येक वर्ष आश्विन कृष्ण पक्षमा दिवंगत पितृका नाममा गरिने सोह्र श्राद्धका लागि आवश्यक पर्ने अपराह्न कालको समय निर्धारण गरिएको छ । यो समयभित्रमै पिण्ड दान गर्नु पर्नेछ । तर्पण, दियो पूजा, विश्वेदेवा ब्राह्मण लगायत पूजा तोकिएको समय अघि नै गर्न सकिनेछ ।
सोह्रश्राद्धका बेला पिण्ड दान नगरे पितृले पाउँदैनन् भन्ने मान्यता रहन्छ। वैदिक सनातन संस्कारमा सामान्यतया पितृकर्म अर्थात् श्राद्ध दुईपटक गरिन्छ। वर्षमा नियमित श्राद्ध पितृहरूको देहावसान भएको तिथिमा र अर्को श्राद्ध चाहिँ सोह्र श्राद्धको अवधिमा गरिन्छ ।
