तेस्रो आँखा
भक्तपुर । भक्तपुरको मनोहरा फाँटमा (आज) शुक्रबार बिहान ट्रकको ठक्करबाट एक बालकको मृत्यु भएको छ । सिन्धुपाल्चोक घर भएका मनोहरा फाँट बस्ने १७ महिनाका सलिन श्रेष्ठको मृत्यु भएको हो ।
सडक छेउमा खेल्दै गरेका श्रेष्ठलाई आज बिहान पौने ९ बजे बा ५ ख ७८१७ नम्बरको पानी बोकेको ट्रकले ठक्कर दिएको थियो । ट्रकको ठम्बरबाट गम्भीर घाइते भएका उनलाई उपचारका लागि समिट अस्पताल लोकन्थली लिइएको थियो । उपचारकै क्रममा उनको मृत्यु भएको प्रहरी वृत्त ठिमी भक्तपुरले जनाएको छ ।
प्रहरीका अनुसार, ठक्कर दिने ट्रकसहित चालकलाई नियन्त्रणमा लिइएको छ । उनीहरुमाथि आवश्यक अनुसन्धान भइरहेको प्रहरीले भक्तपुर प्रहरीले जानकारी दिएको हो ।
