काठमाडौं । नेपाल प्रज्ञा-प्रतिष्ठानका कुलपति गंगाप्रसाद उप्रेती र सदस्य-सचिव प्रा.जगतप्रसाद उपाध्यायको चारवर्षे कार्यकाल आजदेखि पूरा हुँदै छ । उनीहरु २०७५ असोज २१ गते नियुक्ति भएका थिए । प्राज्ञ परिषद्का अन्य नौ सदस्यको कार्यकाल भने आगामी पुस १ गते सकिनेछ ।
प्राज्ञ डा. देवी नेपालका अनुसार रिक्त पदमा उपकुलपति डा.जगमान गुरुङले निमित्त कुलपति र प्राज्ञ परिषद् सदस्य तथा साहित्य (पद्य/काव्य) विभाग प्रमुख प्राडा हेमनाथ पौडेलले निमित्त सदस्यसचिवको कार्यभार वहन गर्नेछन् ।
