- तेस्रो आँखा डेस्क
काठमाडौं, २ पुस। नेकपा एमालेको उद्योग, वाणिज्य तथा आपूर्ति विभागको प्रमुख व्यापारी मोतीलाल दुगड चयन भएका छन् ।
एमाले केन्द्रीय कमिटी बैठकले उनलाई विभागको प्रमुखको जिम्मेवारी दिने निर्णय गरेको हो । दुगड केपी शर्मा ओली प्रधानमन्त्री हुँदा उनको विशेष आर्थिक सल्लाहकार थिए । १२ असोज २०७१ मा एमाले प्रवेश गरेका दुगडलाई ओलीले २०७६ मंसिर ५ मा उद्योग, वाणिज्य तथा आपूर्ति राज्यमन्त्री समेत बनाएका थिए ।
विभागको उपप्रमुखमा मेडिकल कलेज सञ्चालक दुर्गा प्रसाईंले जिम्मेवारी पाएका छन् । कुनै वेला माओवादी केन्द्र निकट प्रसाईं ७ कात्तिक २०७८ मा एमाले प्रवेश गरेका थिए । उनलाई ओलीले एमाले केन्द्रीय सदस्यमा पनि मनोनित गरिसकेका छन् ।
