- तेस्रो आँखा डेस्क
काठमाडौं, ११ पुस । राष्ट्रिय जनमोर्चा नेपालका (राजमो) उपाध्यक्ष दुर्गा पौडेलले लोकतन्त्रमाथि भैरहेको हमला अन्त्यका लागि दलहरुबीच दृढ एकता आवश्यक रहेको बताएकी छन् ।
प्रतिगमन विरुद्ध दलीय गठबन्धनले उच्च काम गरेको भन्दै यो गठबन्धनलाई अगाडिसम्म बढाउनुपर्ने बताइन । माओवादीको महाधिवेशनलाई सम्बोधन गर्दै उनले अहिले देखिएको प्रतिगनमको खतरालाई सानो मान्न नहुने बताइन । यसर्थ कुनै एक दलले मात्रै यो प्रतिगमन विरुद्ध लड्न नसक्ने बताइन ।
प्रतिगमन बिरोधीहरु एक नभए दलहरुले ठूलो मूल्य चुकाउनुपर्ने बताइन । यसर्थ प्रतिगमन बिरोधी दलहरुबीचको एकता अझ मजबुत बन्नुपर्ने उनको भनाइ छ ।
राजनीतिक दलहरुकाबीचमा विवाद भएपनि राष्ट्रियताका सवालमा दलीय प्राथमिकता हुन नहुने उनकाे भनाइ छ । 'राष्ट्रियताका सवालमा सबै एक ठाउँमा उभिनुपर्छ,' उनले भनिन् माओवादीको महाधिवेशनले लिने निर्णय राष्ट्रियताको सवालमा ठूलो सहयोग पुग्नेछ । यसैगरि उनले सत्तापक्षीय दलहरुको गठबन्धन आजको आवश्यक्ता रहेको उनको भनाईछ ।
