दाङ २४ भदौ/ लुम्बिनी प्रदेशका मुख्यमन्त्री डिल्ली बहादुर चौधरीले नेपालको शिक्षा प्रणाली नै परिवर्तन गर्नुपर्ने बताएका छन् । दाङको भालुवाङमा लुम्बिनी प्रदेश स्तरीय नागरिक शिखर सम्मेलनको उद्घाटन गर्दै शिक्षा प्रणाली सैद्धान्तिक मात्र नभई व्यवहारिक ज्ञान र सिप सँग जोडेर लैजानु पर्ने आजको आवश्यकता भएकाले सुधारले मात्र सम्भव नहुने बताए ।
मुख्यमन्त्री चौधरीले अब विद्यार्थीहरूले अध्ययन सँग आय आर्जनको बाटो सँगै लैजानु पर्ने अबको आवश्यकता भएको बताए । “शिक्षाले मानव जीविकोपार्जन सँग दैनिकी जीवन शैलीमा काम लाग्ने विषयहरू समेटिएका पाठ्यक्रमहरू बनाउनु पर्छ, शिक्षा आर्जन पश्चात् जागिर खाने मात्र हैन स्वरोजगार बन्ने हुनु पर्छ” मुख्यमन्त्री चौधरीले भने ।
अब हाम्रो शिक्षा प्रणालीमा स्थानीय स्तरका विषयहरू समेटिएको बनाउनु पर्छ जसले विद्यार्थीहरूले हेरेर सिक्ने क्षमताको विकासलाई दिगो बनाउन मद्दत गर्ने भएकाले पनि पाठ्यक्रम बनाउँदा ध्यान दिनु पर्नेमा उहाँको जोड रहेको छ।
