तेस्रो आँखा डेस्क
दाङ,पुस २० ।
लुम्बिनी प्रदेशमा राष्ट्रिय सभा निर्वाचनका लागि ६ उम्मेदवारले उम्मेदवारी दर्ता गरेका छन् । तीन सिटका लागि हुने निर्वाचनमा सत्ता गठबन्धनका पक्षबाट ३ जना र एमालेका ३ जनाले उम्मेदवारी दर्ता गराएका हुन् ।
गठबन्धनका तर्फबाट कांग्रेसका युवराज शर्मा, नेकपा एकीकृत समाजबादीका राज्य लक्ष्मी गैरे र राष्ट्रिय जनमोर्चाका तुलप्रसाद बिकले उम्मेदवारी दर्ता गरे । यसैगरि एमालेका रामदयाल गुप्ता,भारती उपाध्याय र कृष्णबहादुर बिकले उम्मेदवारी दर्ता गराएका छन् । १२ माघमा हुने राष्ट्रिय सभा निर्वाचनमा २९६ मतदाताले मतदान गर्ने छन् ।
