तेस्रो आँखा
काठमाण्डाैं,२८ पुस । राष्ट्रिय प्रजातन्त्र पार्टीका अध्यक्ष राजेन्द्र लिङदेनले राजसंस्था र हिन्दुराज्य जनताबीचमा लोकप्रिय मुद्दा बनेको बताएका छन् । आज पार्टी कार्यालय धुम्बाराहीमा पार्टीका मनोनित कार्यसमिति सदस्यहरूलाइ सफत ग्रहण गराउँदै उनले यस्तो बताएका हुन् । राजसंस्था र हिन्दुराज्य जनताका मूख्य मुद्दा भएकाले आगामी दिनमा यसलाई आफ्नो पार्टीले मुल एजेन्डाका रुपमा स्थापित गराउदै लैजाने लिङदेनले बताए ।
उनले पार्टी सदस्यहरु मनोनयनमा कुनै पक्षपात नगरेको दाबी गरे । आफूमाथि मनोनयनमा पक्षपात गरेको आरोप लगाइरहे पनि त्यो सत्य नभइ निष्पक्ष ढंगले पार्टी सदस्यहरु मनोनित गरेको अध्यक्ष लिङदेनले बताए । उनले आगामी दिनमा पार्टीलाई सडक र निर्वाचन दुवै मोर्चामा सशक्त ढंगले प्रस्तुत गर्ने पनि बताए ।
पार्टीले राजसंस्था, हिन्दुराज्य पुनः स्थापनाको मुद्दासँगै भ्रष्टाचारबिरुद्ध, जनजीविकासँग सम्बन्धित, रोजगारसँग सम्बन्धित मुद्दाहरु समेत लिएर अघि बढ्ने लिङदेनको भनाइ छ । पार्टीमा मनोनयन सदस्यहरुको परिपूर्ति अहिले नै भइनसकेकोले अबका दिनमा लैङ्गिक, समावेशी र समानुपातिकताका हिसावले थप गिरने उनको भनाइ छ । पार्टीमा महिलाको संख्यालाई संविधानबमोजिम पुरा गर्ने प्रतिबद्दता जनाए ।
हिजो आन्तरिक प्रतिष्पर्धामा सहयोग गरेको नगरेको कुरालाई आधार नबनाइ आवश्यक व्यक्तिहरूलाइ पार्टीमा जिम्मेवारी दिइएको भन्दै असन्तुष्ट पक्षलाई समेत समेटेर लैजाने बताए । राजसंस्था र हिन्दुराज्य अहिले जनताको बीचमा लोकप्रिय मुद्दा बनेकोले अबका दिनमा यसलाई जनताले पत्याउने ढंगको रणनीतिका साथ आफ्करना मजोरीलाई समेत सच्याउँदै अघि बढ्ने लिङदेनले बताए ।
