काठमाडौं, ३ माघ । आदर्श रात्री आधारभुत विद्यालयका प्रधानाध्यापक शोभाराम यादवले उनलाई जोडेर सञ्चारमाध्यममा आएको समाचारप्रति ध्यानाकर्षण भएको बताएका छन् ।
उनले विद्यालयको रकम प्रअको व्यक्तिगत खातामा राखेको विषयमा आएको समाचारप्रति ध्यानाकर्षण भएको बताएका हुन् । आफ्नो खातामा राखिएको विद्यालयको रकम विभिन्न शिर्षकमा भुक्तानी गरेको उनले दावी गरेका छन् ।
राष्ट्रपति शैक्षिक सुधार कार्यक्रमको लागि आएको अठार लाख रकम मध्य चौध लाख रुपैयाँ रामलाल रानालाई बुझाएको र बाँकी चार लाख विद्यालय व्यवस्थापनका अध्यक्षमार्फत बुझाएको बताएका छन् ।
समाचारमा आएको विषयले आफ्नो चरित्र हत्या भएको कुरा उल्लेख गरेका यादवले विद्यालयको पैसा आफ्नो खातामा राखेको स्विकार गरेका छन् ।
