काठमाडौं, ७ माघ । आईसीसी पुरुष टी-२० को पहिलो खेलमा श्रीलंकाले नामिवियासँग सामना गर्ने भएको छ ।
विश्वकप खेल अक्टोबर १६ देखि नोभेम्बर १३ तारिखसम्म अष्टे«लियामा हुँदैछ। पहिलो चरणअन्तर्गत श्रीलंका र नामिवियाबीचको खेल अक्टोबर १६ मा गिलोङस्थित कार्डिनिया पार्क स्टेडियममा हुनेछ।
पहिलो चरणको समूह ‘ए’ अन्तर्र्गत श्रीलंका र नामिवियाको साथमा ग्लोबल छनोटबाट आउने दुई टिम रहनेछन् । त्यस्तै समूह ‘बी’ मा स्कटल्याण्ड र वेस्ट इन्डिजसहित ग्लोबल छनोटबाटै आउने दुई टिम रहनेछन् ।
प्रतियोगिताको सुपर १२ का खेलहरु अक्टोबर २२ देखि र सेमिफाइनलका खेलहरु नोभेम्बर ९ देखि हुनेछन्। सुपर १२ अन्तर्गतको समूह एकमा अफगानिस्तान, अष्टे«लिया, इंगल्यान्ड र न्युजिल्यान्डसहित पहिलो चरणबाट आउने दुई टोली रहने छन्।
समूह दुईमा बंगालादेश, भारत, पाकिस्तान र दक्षिण अफ्रिकासहित दोस्रो चरणबाट आउने दुई टोली रहनेछन् ।
विश्वकपको फाइनल खेल मेलवर्न क्रिकेट ग्राउन्डमा नोभेम्बर १३ मा हुनेछ ।
