काठमाडौं, २८ माघ । शहिद स्मारक ए डिभिजन लिगअन्तर्गत आजबाट दशौं चरणका खेलहरु सुरु हुँदै छन् ।
आज शुक्रबार दुई खेल हुने छन् । जुन दुबै खेल दशरथ रंगशालमा हुने छन् ।
आजको पहिलो खेल दिउँसो एक बजे फ्रेन्ड्स क्लब र बिग्रेड ब्वाइज क्लब (बिबिसी)बीच हुने छ । लिगको पुछारमा रहेको फ्रेन्ड्स क्लबलाई रेलिगेसनबाट जोगिन आजको खेल जित्नै पर्ने दबाब छ ।
यता नौ खेलमा छ अंक जोडेर तालिकाको १२ औं स्थानमा रहेको बिबिसी फ्रेन्ड्स क्लब विरुद्ध जित निकाल्दै माथि उक्लने दाउमा रहने छ ।
त्यस्तै आज हुने दोस्रो खेलमा जावलाखेल युथ क्लब र त्रिभुवन आर्मी भिड्ने छन् । यी दुई टोलीबीचको खेल दिउँसो चार पैँतालीस बजेबाट सुरु हुने छ ।
हालसम्म अपराजित रहेको आर्मी आजको खेलमा जित हाँसिल गर्दै तालिकाको दोस्रो स्थानमा उक्लने लक्ष्यमा रहँने छ । आर्मी र मछिन्द्र क्लब जारी लिगमा अपाराजित टोली हुन् ।
यता नौं खेलमा आठ अंक जोडेर तालिकाको दशौं स्थानमा रहेको जावलाखेल आर्मी विरुद्ध जित निकाल्दै टेबलमा माथी उक्लने दाउमा रहने छ । आर्मी १७ अंक सहित तालिकाको तेस्रो स्थानमा छ ।
