गमानसिङ घर्ती,रुकुम पश्चिम/ जिल्लामा क्रियाशिल ६४ जना पत्रकारहरुको दुर्घटना बिमा गरिएको छ । नेपाल पत्रकार महासंघ रुकुम पश्चिमले महासंघका साधारण सदस्यहरु र जिल्लामा क्रियाशिल सदस्यहरुको दुर्घटना बिमा गरिएको जानकारी दिएको छ ।
नेपाल पत्रकार महासंघ रुकुम पश्चिमका अध्यक्ष लक्ष्मण केसीका अनुसार शिखर ईन्सोरेन्स कम्पनी लिमिटेडमा प्रतिव्यक्ति दुई लाख ५० हजारका दरले एक करोड ६० लाख बरारबरको बिमा गरिएको हो । जोखिमपूर्ण अवस्थामा पत्रकारिता गरिरहेका पत्रकारहरुलाई कामका लागि प्रोत्सान हुने विश्वास लिइएको अध्यक्ष केसीले बताए ।
दुर्घटना बिमा शुल्क बापतको रकम बाँफिकोट गाउँपालिका वडा नम्वर ६ मग्मा घर भई हाल अमेरिकामा बस्दैआएका गोर्ख कुसारीले सहयोग गरेका हुन । गत वर्ष पनि महासंघले जिल्लाका ५४ जना पत्रकारहरुको दुर्घटना बिमा गरेको थियो ।
पोलिसि हस्तान्तरण कार्यक्रममा शिखर ईन्सोरेन्स कम्पनी लिमिटेड रुकुम पश्चिमका शाखा प्रमुख भद्रबहादुर खड्का सहित सहभागिता रहेको थियो ।
