तेस्रो आँखा
काठमाडौं, ७ फागुन । शहीद स्मारक ए डिभिजन लिग अन्तर्गत फ्रेन्ड्स क्लबसँग च्यासल युथ क्लब पराजित भएको छ ।
शनिबार दशरथ रंगशालामा भएको खेलमा च्यासल फ्रेन्ड्ससँग दुई एक गोल अन्तरले पराजित भएको हाे ।
खेलको ३८ औं मिनेटमा जमौल एन्थेनीले गोल गर्दै फ्रेन्ड्सलाई सुरुवाती अग्रता दिलाएका थिए ।
खेलको ४३ औं मिनेटमा जमौल एन्थोनीले पेनाल्टीबाट व्यक्तिगत दोस्रो गोल गर्दै फ्रेन्ड्सलाई दुई शुन्य को अग्रता दिलाए ।
त्यसपछि खेलको ५६ औं मिनेटमा मौसाले पेनाल्टीबाट एक गोल गर्दै खेललो दुई एक को अवस्थामा फर्काए पनि जित भने दिलाउन सकेनन् ।
यस जितसँगै फ्रेन्ड्स १२ खेलमा १० अंक जोडेर तालिकाको १२ औं स्थानमा रहेको छ ।
च्यासल १२ खेलमा छ अंक जोडेर तालिकाको पुछारमा रहेको छ ।
