तेस्रो आँखा
काठमाडौं, ८ फागुन । शहीद स्मारक ए डिभिजन लिग फुटबलमा आज आइतबार दुई खेल हुँदै छ ।
त्रिपुरेश्वरस्थित दशरथ रंगशालामा हुने पहिलो खेलमा जावलाखेल युथ क्लब र हिमालायन शेर्पा क्लबीच प्रतिस्पर्धा हुने छ भने दोस्रो खेलमा मनाङ मर्स्याङ्दी क्लब र न्युरोड टिम एनआरटीबीच प्रतिस्पर्धा हुनेछ ।
जावलाखेल र हिमालयनबीचको खेल दिउँसो एक बजे सुरु हुने छ ।
जावलाखेल ११ खेलमा ११ अंक जोडेर तालिकाको १० औं स्थानमा रहेको छ । हिमालयन समान ११ खेलमा १३ अंक जोडेर अंक तालिकाको नवौं स्थानमा रहेको छ ।
मनाङ र एनआरटीबीचको खेल दिउँसो चार पैंतालीस बजे दशरथ रंगशालामा हुने छ ।
११ खेल खेलेको मनाङ २० अंक जोडेर तालिकाको दोस्रो स्थानमा रहेको छ । समान ११ खेल खेलको एनआरटी १७ अंक जोडेर अंक तालिकाको पाचौं स्थानमा रहेको छ ।
