तेस्रो आँखा
काठमाडौं, ८ फागुन । शहीद स्मारक ए डिभिजन लिग फुटबलमा जावलाखेल युथ क्लबले हिमालयन शेर्पा क्लबलाई पाराजित गरेको छ ।
त्रिपुरेश्वरस्थित दशरथ रंगशालामा आइतबार भएको खेलमा जावलाखेलले हिमालयनलाई दुई एक गोल अन्तरले पराजित गरेको हो ।
जावलाखेललाई जित दिलाउन रुप बहादुर लामा र ओन्गुना जुनियरले एक एक गोल गरे । हिमालयनका अमृत श्रेष्ठले एक गोल फर्काए ।
खेलको १५ औं मिनेटमा रुपले गोल गर्दै जावलाखेललाई सुरुआती अग्रता दिलाएका थिए ।
तर खेलको ७१ औं मिनेटमा अमृतले गोल गर्दै हिमालयनलाई एक एक गोलको बराबरीमा ल्याए ।
त्यसपछि खेलको ८८ औं मिनेटमा ओन्गुनाले गोल गर्दै जावलाखेललाई दुई एक को जित दिलाए ।
जावलाखेल १२ खेलमा १३ अंक जोडेर तालिकाको नवौं स्थानमा रहेको छ ।
त्यस्तै हिमालयन समान १२ खेलमा १३ अंक लिएर तालिकाको १० औं स्थानमा रहेको छ ।
