तेस्रो आँखा
काठमाडौं, १० फागुन । शहीद स्मारक ‘ए’ डिभिजन लिग फुटबलमा आज मंगलबार एपीएफ र पुलिस तथा आर्मी र संकटा क्लब बीच प्रतिस्पर्धा हुने छ ।
त्रिपुरेश्वर स्थित दशरथ रंगशालामा हुने पहिलो खेलमा नेपाल पुलिस क्लब र एपीएफ क्लब बीच प्रतिस्पर्धा हुने छ । यी दुईबीचको खेल दिउँसो एक बजे बाट सुरु हुने छ ।
पुलिस ११ खेलमा ११ अंक जोडेर अंक तालिकाको ११ औं स्थानमा रहेको छ भने एपीएफ ११ खेलमा १४ अंक जोडेर अंक तालिकाको आठौं स्थानमा रहेको छ ।
मंगलबार नै दशरथ रंगशालामा हुने दास्रो खेलमा त्रिभुवन आर्मी क्लब र संकटा क्लबबीच प्रतिस्पर्धा हुनेछ । यी दुई बीचको खेल दिउँसो चार पैंतालीस बजे सुरु हुने छ ।
आर्मी ११ खेलमा १९ अंक जोडेर अंक तालिकाको चौंथो स्थानमा रहको छ भने संकटा ११ खेलमा १५ अंक जोडेर अंक तालिकाको सातौं स्थानमा रहेको छ ।
आजको खेल १२ औं चरणको अन्तिम दुई खेल हो । यस सिजनको उपाधि मछिन्द्रले जितिसकेको छ । त्यस्तै ब्रिगेड ब्वाइज र च्यासल युथ क्लब रेलिगेसनमा परिसकेका छन् ।
