तेस्रो आँखा
काठमाडौं, १२ फागुन । शहीद स्मारक ‘ए’ डिभिजन लिग फुटबलमा १३ औं अर्थात अन्तिम चरणका खेलहरु आज बिहीबारबाट सुरु हुँदै छन् ।
आज १३ औं चरणका दुई खेलहरु हुँदै छन् ।
त्रिपुरेश्वर स्थित दशरथ रंगशालामा हुने खेलमा हिमालयन शेर्पा क्लब र फ्रेन्ड्स क्लबबीच प्रतिस्पर्धा हुनेछ । यो खेल दिउँसो एक बजेबाट सुरु हुनेछ ।
हिमालयन १२ खेलमा १३ अंक जोडेर दशौँ स्थानमा रहेको छ । फ्रेन्ड्स १२ खेलमा १० अंक जोडेर १२ औं स्थानमा रहेको छ ।
आज हिमालयन र फ्रेन्ड्स जित निकाल्दै अंक तालिका सुधार गर्ने योजनामा हुनेछन् ।
यस्तै एन्फा कम्प्लेक्समा हुने खेलमा च्यासल युथ क्लब र सातदोबाटो युथ क्लबबीच प्रतिस्पर्धा हुनेछ । यो खेल पनि दिउँसो एक बजे सुरु हनेछ ।
च्यासल १२ खेलमा ६ अंक जोडेर पुछारमा रहेको छ ।
सातदोबाटो १२ खेलमा १८ अंक जोडेर पाँचौं स्थानमा रहेको छ । सातदोबाटो आज च्यासललाई हराएर तेस्रो स्थानमा उक्लन चाहन्छ ।
यस सिजनको उपाधि मछिन्द्रले जितिसकेको छ । त्यस्तै ब्रिगेड ब्वाइज र च्यासल युथ क्लब रेलिगेसनमा परिसकेका छन् ।
