धनगढी, मंसिर २ ।
नेकपा एकीकृत समाजबादी पार्टीका अध्यक्ष माधवकुमार नेपालले न्यायालयमा देखिएको समस्या तत्काल समाधान गरिनुपर्ने बताउनुभएकाे छ ।
यसबारेमा साझा धारणा बनाएर समस्याको समाधान निकालिने उहाँको भनाइ छ ।
धनगढीमा पार्टी कार्यालय उद्घाटन गर्न पुग्नुभएका नेपालले पत्रकारहरूसँग संक्षिप्त कुराकानी गर्दै नेपालले भन्नुभयाे- ‘सर्वाेच्च अदालतमा देखिएको समस्या तत्काल समाधान गरिनुपर्छ ।’
यसैगरी उहाँले यो समस्या समाधानका लागि प्रधानमन्त्री शेरबहादुर देउवाले पहल थाल्नु पर्ने समेत बताउनुभयाे ।
उहाँले सुदूरपश्चिममा एमालेभन्दा आफ्नो पार्टी नै ठूलो रहेको दाबी पनि गर्नुभयाे ।
