काठमाडाैं,१४ फागुन । कोभिड १९ संक्रमण घटेसँगै अमेरिकाममा मास्क प्रयोगको अनिवार्यता हटाइएको छ । शुक्रबार अमेरिकी रोग नियन्त्रण र रोकथाम केन्द्र (सिडिसी)ले राष्ट्रब्यापीरुपमा मुखावरण (मास्क)को अनिवार्यता (जनादेश) हटाएको घोषणा गरेको हो । सिडिसीले नयाँ मार्गदर्शनको अतिरिक्त तर हवाई जहाज र विमानस्थल लगायत यातायात क्षेत्रमा अझै लगाउनु पर्ने सुझाव दिएको छ ।

घोषणा गरिएको मार्गनिर्दशलाई सिडिसीले अध्यावधिक गरेको छ । जसमा कोभिड–१९ मुखावरण मार्गदर्शनको बावजुद, विमानहरू, विमानस्थल पोर्टहरू, रेलगाडीहरू र अन्य सार्वजनिक यातायातहरूमा संघीय मुखावरण जनादेश कम्तिमा मार्च १८ सम्म प्रभावमा रहेको समेत जनाएको छ ।  ‘मुखावरणको अनिवार्यता हटाएपनि यसको आवश्यकता कायमै छ, हामी सिडीसीसँग परामर्श गरेर आवश्यकताको अवधिको मूल्याङ्कन गर्न जारी राख्नेछौं, यातायात सुरक्षा प्रशासनका प्रवक्ता रोबर्ट ल्याङ्स्टनले शुक्रबार एक विज्ञप्तिमा भनेका छन्  । यातायात सुरक्षा प्रशासनले मुखावरण (मास्क) लगाउन जनादेश जनवरी २०२१ मा घोषणा गरेको थियो ।

तर अमेरिकी हवाईयातायात (यूएस एयरलाइन्स)ले मे २०२० देखि कोरोनाभाइरस महामारीको केही महिनादेखि यात्रुहरूलाई मुखावरण (मास्क) लगाउन अनिवार्य भनेको थियो । अमेरिकाका विभिन्न हवाई जहाज प्रतिष्ठानहरु मध्ये युनाइटेड, अलास्का, हवाईयन, स्पिरिट र फ्रन्टियर लगायतका हवाई प्रतिष्ठान(एयरलाइन्स)हरूमा उडान परिचरहरूको प्रतिनिधित्व गर्ने ठूलो उडान परिचरहरूको संघ (सिडब्लुए) ले यो फेरि विस्तार हुन सक्ने अपेक्षा गर्दछ भनि युएसए टुडेले समाचार प्रकाशित गरेको छ ।

कोभिड दरहरू घट्दै गएको अवस्थाको बीचमा बाइडेन प्रशासनले बिद्यालय बच्चाहरू सहित ७० % अमेरिकीहरूका लागि शुक्रबार आफ्नो अन्तरंग मुखावरण (इनडोर मास्क )लगाउनु पर्ने अनिवार्यतालाई सहज बनाई दिएको छ । सिडीसीले अब कोभिड–१९ दरहरूको पर्वाह नगरी सबै विद्यालयहरूमा विश्वव्यापी मुखावरण (मास्किङ) सिफारिस गर्ने छैन भनि बताएको समाचार याहुन्युजले पनि समाचारमा उल्लेख गरेको छ ।

‘हामी मानिसहरूलाई हाम्रो स्तर कम हुँदा मुखावरण (मास्क )लगाउने जस्ता चीजहरूबाट विश्राम दिन चाहन्छौं,’ सिडिसीकी निर्देशक रोशेल वालेन्स्कीले एक समाचार विवरणमा भनेकी छन् । अमेरिकामा २१ करोड ५३ लाख १८ हजारले पूर्ण खोप लगाई सकेका छन् भने कूल ६४.९ % ले खोप लगाएका छन् । त्यसै गरि कम्तिमा ७६.३ % ले १ पटक खोप लगाएका छन् । ४३.६ % ले अभिवर्धक खुराक (डोज) लगाई सकेका छन् भने संक्रमण ६५ % ले घटेको विभिन्न सञ्चारमाध्यामहरुले जनाएका छन् ।