तुलसीपुर, २० असोज । तुलसीपुर उपमहानगरपालिका वडा नम्बर १५ को आयोजनामा वडाध्यक्ष कप प्रतियोगिता सुरु भएको छ ।
वडाध्यक्ष लक्ष्मण चौधरीको अध्यक्षता एवं नगर प्रमुख टीकाराम खड्काको प्रमुख आतिथ्यतामा वडा अध्यक्ष कप अन्तर्गत भलिबल र फुटवल प्रतियोगिता सुरू भएको हो ।
नगर प्रमुख खड्काले युवाहरुलाई खेलकुदका गतिविधि मार्फत चलायमान बनाउनका लागि वडाले महत्वपूर्ण भूमिका निर्वाह गरेको बताउनुभयो ।
