अस्टिन टेक्सास, चर्चित गायक राजेश पायल राईले अमेरिकाको अस्टिनमा आयोजना हुने लाईभ इन अस्टिन कार्यक्रममा विशेष सांगितिक प्रस्तुति दिने भएका छन।
नमो नमस्ते इन्टरटेन्टमेन्ट र एटएटफोएट मिडियाको प्रस्तुतिमा आगामि नोभेम्बर १ तारिखको साँझ अस्टिनमा सो कार्यक्रम आयोजना गरिएको हो । साँझ ६ बजेदेखि बिहान २ बजेसम्म चल्ने लाइन इन अस्टिन कार्यक्रम अतिति ग्रील एण्ड बारमा आयोजना हुनेछ ।
आयोजकले नेपाली गीत संगीतको क्षेत्रमा गायक राजेश पायल राईको विशिष्ट योगदान रहेको र अमेरिकामा उनका फ्यानहरुको डिमाण्ड पनि भएकाले सांस्कृति कार्यक्रम आयोजना गरिएको जनाएको छ । कार्यक्रममा सहभागि भई स्वस्थ मनोरञ्जन लिन सकिने आयोजकले जनाएको छ । तिहारको बेलामा सो सांस्कृतिक कार्यक्रमका दौरान नेपाली समुदायबीच भेटघाट, आत्मीयता आदानप्रदान र मनोरञ्जन हुने विश्वास आयोजकले लिएको छ ।
कार्यक्रममा सीमित सिट उपलब्ध रहेकोले छिट्टै आफ्नो टिकट बुक गर्न पनि आयोजकले अनुरोध गरेको छ । समाजप्रेस र दुबोले पनि सो कार्यक्रमको भव्य आयोजनाका लागि सहकार्य गरेका छन् ।
चर्चित गायक राजेश पायलका अर्को जुनी, माया बस्यो मुटुमा, फुलै फुलको मौसम, फैलियो माया दुबो सरी, दर्शन नमस्ते लगायतका दर्जनौ चर्चित गीतहरु रुचाइएका छन् ।
