काठमाडौं, २० मंसिर । नेपाल प्रिमियर लिग अन्तर्गत आजको दोस्रो खेलमा काठमाडौं गुर्खाज र सुदूरपश्चिम रोयल्स भिड्दै छन् । टस जितेर काठमाडौं गुर्खाजले पहिले फिल्डिङ गर्ने निर्णय गरेको छ ।
काठमाडौं र सुदूरपश्चिमबीचको खेल १ बजेबाट सुरू हुनेछ ।
काठमाडौंले यसअघि कर्णाली याक्स विरुद्ध जित हात पारेको थियो भने चितवन राइनोज विरुद्ध पराजय बेहोरेको थियो । यता सुदूरपश्चिमले भने आफ्नो पहिलो खेलमा विराटनगर किंग्सलाई पराजित गरेको थियो ।
काठमाडौंका कप्तान करण केसी हुन् भने सुदूरपश्चिमका कप्तान दीपेन्द्रसिंह ऐरी हुन् ।
