काठमाडौं, २० मंसिर । नेपाल प्रिमियर लिग (एनपिएल)मा सुदूरपश्चिम रोयल्सले लगातार दोस्रो जित निकालेको छ । काठमाडौँ गुर्खाजलाई ७३ रनले पराजित गर्दै सुदूरपश्चिम रोयल्सले लगातार दोस्रो जित निकालेको हो ।
काठमाडौँ गुर्खाजलाई १५.४ ओभरमा अल आउट गर्दै सुदूरपश्चिम रोयल्स विजयी भएको हो । काठमाडौँलाई सस्तैमा समेट्न सुदूरपश्चिमका नरेन साउँदले कसिलो बलिङ गरे । नरेनले सर्वाधिक ५ विकेट लिए ।
