तुलसीपुर ३ पुस । तुलसीपुरमा घरायसी विवाद हुँदा श्रीमानले श्रीमतीको हत्या गरेका छन् । बुधबार बिहान १० बजेको समयमा तुलसीपुर उपहानगरपालिका वडा नं. २ भमके निवासी २९ वर्षीय चित्रबहादुर बुढाथोकीले दाउरा प्रहार गरी ३२ वर्षीया श्रीमती हस्तीकुमारी बुढाथोकीको हत्या गरेका हुन् ।
श्रीमानको दाउरा प्रहारबाट हस्तीको घटना स्थलमै मृत्यु भएको हो । श्रीमतीको हत्या गरी श्रीमान फारार भएको भन्ने सूचनाको आधारमा इलाका प्रहरी कार्यालय तुलसीपुरका प्रहरी निरिक्षक प्रकाश थापाको कमाण्डमा खटिएको प्रहरी टोलीले चित्रबहादुरलाई सवा ११ बजेको समयमा पक्राउ गरेको हो ।
उनलाई तुलसीपुर ७ कारागार नजिकैबाट भाग्दै गर्दा पक्राउ गरेको इलका प्रहरी कार्यालय तुलसीपुरका प्रहरी निरिक्षक प्रकाश थापाले जानकारी दिनुभयो । उहाँका अनुसार घटनाको बिषयमा थप अनुसन्धान भई रहेको छ ।
