काठमाडौँ, ६ बैशाख । आईसीसी यू–१९ विश्वकप एसिया छनोटअन्तर्गत नेपाल र अफगानिस्तान बिचको निर्णायक खेल रद्द भएको छ । आज बिहान भएको वर्षाका कारण खेल रद्द भएको हो ।
यससँगै नेपाल विश्वकप खेल्नबाट वञ्चित भएको छ । वर्षाका कारण भिजेको मैदान करिब ५ घण्टासम्म सुकाउने काम गरिए पनि मैदानको केही भाग निकै खराब अवस्थामा रहेको थियो ।
अम्पायरले ३ पटकको निरीक्षणपछि खेल नखेलाउने निर्णय गरे । यसअघिको खेलमा दुवै टोलीले समान ३–३ खेल जितेका थिए ।
