तेस्रो आँखा
एजेन्सी, ६ चैत। रुसी फौजले युक्रेनी बन्दरगाह सहर मारिउपोलमा रहेको एउटा ४०० जनाले आश्रय लिएका कला विद्यालयमा बमबारी गरेको छ ।
हमलापछि भएको मानवीय क्षतिको विवरण सार्वजनिक भएको छैन। भवन क्षतिग्रस्त भएको र भग्नावशेषमा मानिसहरु पुरिएको जनाइएको छ ।
यसअघि दक्षिणी सहर माइकोलिभ सहरमा रुसी फौजले युक्रेनको एउटा सैन्य ब्यारेकमा गरेको हमलामा दर्जनौँ सेना मारिएको जनाइएको थियो । सो क्षेत्रमा उद्दार कार्य जारी छ ।
युक्रेन युद्धले उर्जा, खाद्यन्न, मुद्रास्फीति तथा गरिबीमा ठूलो आर्थिक परिणाम ल्याउने युरोपियन बैंक फर रिकन्स्ट्रक्सन एन्ड डेभलपमेन्टले जनाएको छ ।
