काठमाडौं, १५ बैशाख । नेपाली बजारमा सोमबार सुनको मूल्य तोलामा १ हजार ४ सय रुपैयाँ घटेको छ । नेपाल सुनचाँदी व्यवसायी महासंघका अनुसार सोमबार छापावाल सुनको मूल्य तोलामा १ लाख ८८ हजार ३ सय रुपैयाँ कायम भएको हो ।
आइतबार भने मूल्य १ हजार ४ सय बढी अर्थात् तोलामा १ लाख ८९ हजार ७ सय रुपैयाँ कायम भएको थियो ।
यस्तै चाँदीको मूल्य पनि घटेको छ । आइतबार तोलामा १ हजार ९ सय ९० रुपैयाँ कायम भएको चाँदीको मूल्य सोमबार तोलामा १ हजार ९७० रुपैयाँ कायम भएको हो ।
