तेस्रो आँखा
काठमाडौं, ८ चैत । आईसीसी विश्वकप लिग–२ त्रिकोणात्मक ओडिआई सिरिज अन्तर्गत आज मंगलबार नेपालले पपुवा न्युगिनी (पीएनजी)को सामना गर्दै छ ।
नेपाल र पीएनजीबीचको खेल नेपाली समयअनुसार बिहान ११ः१५ बजे दुबई अन्तर्राष्ट्रिय क्रिकेट मैदानमा सुरुहुनेछ ।
पछिल्लो दुई खेलमा नेपाल पराजित भएको छ। दुवै खेल नेपालले यूएईसँग हारेको थियो भने पीएनजीले तेस्रो खेलमा यूएईलाई हराएको थियो ।
पीएनजी पहिलो खेलमा यूएईविरुद्ध ७ विकेटले पराजित भएको थियो । दोस्रो खेलमा नेपासँग २ विकेटले हार व्यहोर्द तेस्रो खेलमा यूएईलाई ६ विकेटले पराजित गर्दै पुनरागमन गरेको थियो ।
लिग टुमा नेपाल ११ खेलमा ५ जित निकाल्दै १० अंक बनाएर तालिकाको छैटौं स्थानमा छ । लिग टुमा नेपाल सर्वाधिक कम खेल खेल्ने राष्ट्र हो । यस अघिका खेलमा पीएनजीलाई २ विकेटले हराउँदा नेपाल यूएईसँग ४८ र ९९ रनले पराजित भएको थियो ।
