तेस्रो आँखा
काठमाडाैं,९ चैत्र । सहरी विकास मन्त्रालयले आगामी आर्थिक वर्षका लागि ४५ अर्बको बजेट सिलिङ पाएको छ । आर्थिक वर्ष २०७९÷८० का लागि राष्ट्रिय योजना आयोगले मन्त्रालयका लागि ४५ अर्बको बजेट सिलिङ तोकिदिएको हो । चालुतर्फ ३९ अर्ब र पुनर्निर्माणतर्फ ६ अर्ब बजेट सिलिङ तोकिएको मन्त्रालयका सहसचिव प्रकीर्ण तुलाधरले जानकारी दिए ।
पुर्निर्माण तर्फको बजेट कम भएको भन्दै मन्त्रालयले सिलिङ बढाउन योजना आयोगलाई पत्राचार गर्ने तयारी गरेको छ । मन्त्रालयले पुनर्निर्माणमा झण्डै १२ अर्ब आवश्यक रहेको बताउँदै आएको छ । चालु आर्थिक वर्षका लागि गत वर्ष सहरी विकास मन्त्रालयले ३१ अर्बको बजेट सिलिङ पाएको थियो ।
