तुलसीपुर, ५ फागुन । दाङ जिल्लाका प्रमुख जिल्ला अधिकारी विश्व प्रकाश अर्यालले निर्वाचनलाई स्वच्छ, निष्पक्ष र शान्तिपूर्ण रुपमा सम्पन्न गर्नका लागि आफु प्रतिबद्ध रहेको बताउनुभयो । राससकाे ६५ औं स्थापना दिवसका अवसरमा 'निर्वाचन आचारसंहितामा सञ्चार' बिषयममा अन्तक्रिर्या कार्यक्रमलाई सम्बाेधन गर्दै अर्यालले यस्तो बताउनु भएको हाे ।
निर्वाचनलाई शान्तिपूर्ण रुपमा सम्पन्न गर्नका लागि सुरक्षा व्यवस्थालाई प्रभावकारी रुपमा व्यवस्थापन गर्ने बताउनुभयो । समाचारमा निष्पक्षता र सक्षमताकाे धराेहरकाे रुपमा रासस भएको उहाँको भनाइ छ । राससले समाजमा भएका विभित्र घटनाहरुलाई स्पष्ट रुपमा नागरिक समक्ष झल्काउदै आएको उल्लेख गर्नुभयो ।
निर्वाचनलाई शान्तिपुर्ण रुपमा सम्पन्न गर्नका लागि निर्वाचन आयोग, राजनिती दल, नेपाल सरकारका मन्त्रालय, विभाग र कार्यालयहरुकाे आ-आफ्नो क्षेत्रमा महत्त्वपूर्ण भुमिका रहेको अर्यालले बताउनुभयो ।
'निर्वाचन अधिकृतकाे कार्यालयमा निर्वाचनमा खटिने कर्मचारीकाे विवरण आइसकेको छ´ उहाँले भन्नुभयो, 'अब कर्मचारीलाई मतदानस्थलमा खटाउने छाैँ´ । निर्वाचनलाइ बिराेधि तथा बेथाेल्न खाेज्ने गतिविधि र जनतामा त्रास फैलाउने प्रयास भइरहेको र त्यसता गतिविधि नियन्त्रण गर्न सुरक्षा निकाय सक्षम रहेको उहाँको भनाइ छ ।
दाङ क्षेत्र न. ३ का निर्वाचन अधिकृत चन्द्रबहादुर सिर्जाली मगरले निर्वाचन तथा सुशासन कार्यम गर्ने सन्दर्भमा सञ्चार क्षेत्रकाे महत्त्वपूर्ण भुमिका रहेकाे बताउनुभयाे । निर्वाचनलाई स्वच्छ, निष्पक्ष र स्वतन्त्र रुपम सम्पन्न गर्नका लागि निर्वाचन आचारसंहिता अनुरुपका कार्य गर्न उहाँले आग्रह गर्नुभयो ।
उम्मेदवारले आचारसंहिता विपरीत काम गरेमा १ लाखसम्म जरिवानादेखि उम्मेदवारि खारेजी हुनसक्ने सजाय रहेको निर्वाचन अधिकृत मगरले बताउनुभयाे ।
'उम्मेदवारले भित्ते लखन लेख्न पाइदैन' उहाँले भन्नुभयो,`निर्वाचनकाे प्रचारप्रसारका लागि रेडियोमा २४ घण्टामा बढीमा ४ पटक एक मिनेटकाे विज्ञापन राख्न पाउछ' । कुनै पनि राजनीति दलकाे पक्षविपक्षमा समाचार प्रकाशन गर्न नपाईने उहाँको भनाइ छ ।
मानवअधिकारकर्मी तथा वरिष्ठ पत्रकार शुसिल बस्नेत निर्वाचनकाे विशेष र परिस्थितिलाई छिचोल्दै अगाडि बढ्न आग्रह गर्नुभयो । निर्वाचन आचारसंहिताकाे कार्यान्वयनकाे बिषयमा सम्बन्धित निकायले समयसमयमाअनुगमन तथा मुल्यांकन गर्नुपर्ने उहाँको भनाइ छ । निर्वाचनका क्रममा मतदाताहरुमा बायाेमेट्रिक मेसिनकाे प्रयोग गर्नले निर्वाचन स्वच्छ तथा निष्पक्ष हुने उहाँले अवगत गराउनुभयाे ।
नेपाल पत्रकार महासंघ दाङका अध्यक्ष सन्ताेष सुवेदीले मिडिया तथा पत्रकारहरु आफ्नो आचारसंहितालाई सधैं आत्मसात गरि स्वच्छ र निष्पक्ष पत्रकारिता गर्न आग्रह गर्नुभयो । एउटा राजनीति दललाई मात्र केन्द्रित रहेको समाचार प्रकाश नगर्न उहाँले सञ्चारकर्मीहरुलाई आग्रह गर्नुभयो ।
कार्यक्रममा जिल्ला प्रहरी कार्यालय दाङका प्रहरी प्रमुख दीपक श्रेष्ठ, तुलसीपुर उपमहानगरपालिका प्रमुख प्रशासकीय अधिकृत केशवराज पार्धे, विभिन्न सरकारी कार्यालयका प्रमुखलगायतको उपस्थिति रहेको थियो। 
राससकाे ६५ औं स्थापना दिवसका अवसरमा रासस दाङ शाखाले 'निर्वाचन आचारसंहितामा सञ्चार' बिषयमा अन्तक्रिर्या कार्यक्रम सम्पन्न भएको थियो । रासस दाङका प्रमुख नारायणी रजाैरेकाे स्वागत मन्तव्यबाट सुरु भएको कार्यक्रमकाे सहजिकरण रासस दाङ शाखाका संवाददाता दिपक बाेहराले गर्नुभएको थियोे ।
