तेस्रो आँखा
काठमाडौं, १६ चैत्र । पोर्चुगल फिफा कतार विश्वकप २०२२ का लागि छनोट भएको छ । मंगलबार राति भएको युरोपेली छनोटको प्लेअफ फाइनलमा नर्थ म्यासेडोनियालाई दुई शून्य गाेलले पराजित गर्दै पोर्चुगल विश्वकपका लागि छनोट भएको हो ।
घरेलु मैदानमा पोर्चुगललाई जित दिलाउन दुवै गोल ब्रुनो फर्नान्डेसले गरे । खेलको ३२ औँ मिनेटमा ब्रुनोले कप्तान क्रिस्टियानो रोनाल्डोको पासमा गोल गर्दै पोर्चुगललाई अग्रता दिलाएका थिए ।
त्यसपछि ब्रुनोले खेलको ६५ औँ मिनेटमा फर्नान्डेसले डिओगो जोटाको पासमा गोल गर्दै पोर्चुगललाई दुई शून्य को जित दिलाउँदै विश्वकपमा पुर्याए।
