तेस्रो आँखा
काठमाडाैं, १६ चैत्र । फिफा विश्वकप कतार २०२२ अन्तर्गत युरोपेली छनोटको प्लेअफ फाइनलमा स्वीडेनलाई पराजित गर्दै पोल्यान्ड विश्वकपमा छनोट भएको छ ।
घरेलु मैदानमा पोल्यान्डले स्वीडेनमाथि दुई शून्यको जित निकाल्दै विश्वकपमा स्थान पक्का गरेको हो । मंगलबार राति भएको खेलमा पोल्याण्डको लागि कप्तान रोबर्ट लेवान्डोस्की र पिओटर जिलेन्स्कीले एक एक गोल गरे ।
प्रतिस्पर्धात्मक बनेको खेलको ५०औं मिनेटमा लेवान्डोस्कीले पेनाल्टीमा गोल गर्दै पोल्यान्डलाई सुरुवाती अग्रता दिलाए । ७२औं मिनेटमा पिओटर जिलेन्स्कीले पोल्यान्डको लागि दोस्रो गोल गर्दै जित पक्का गरे ।
