तेस्रो आँखा
काठमाडौं, १७ चैत्र। एएफसी कप २०२२ को प्रारम्भिक छनोट खेल्न श्रीलंका सुपर लिग च्याम्पियन ब्लु स्टार क्लब बिहीबार नेपाल आइपुगेको छ ।
सहिद स्मारक ए डिभिजन लिग च्याम्पियन मछिन्द्र फुटबल क्लब र ब्लु स्टारबीच चैत्र २२ गते दशरथ रंगशालामा साँझ पाँच पैंतालीस बजे खेल हुने छ । ब्लु स्टार क्लब अपरान्ह १२ बजे अन्तर्राष्ट्रिय विमानस्थल अवतरण हुनेछ ।
मछिन्द्र क्लब सहिद स्मारक ‘ए’ डिभिजन लिगको सातौं चरणको खेलमा शीर्ष स्थानमा रहँदै एएफसी कपमा नेपालको प्रतिनिधित्व गर्न पहिलो पटक छनोट भएको थियो । यो खेलको विजेताले दोस्रो चरणको खेलमा भारतको मोहन बंगानको सामना गर्नेछ । यस खेलको विजेताले एएफसी कपको समूह चरणमा स्थान बनाउने छ ।
