तेस्रो आँखा
काठमाडौं, २४ चैत्र । जर्मन बुन्डेसलिगाको शीर्षस्थानमा रहेको बायर्न म्युनिखले युइएफए च्याम्पियन्स लिगको क्वाटरफाइनलको पहिलो लेगमा हार बेहोरेको छ । उपाधि दावेदार बायर्न स्पेनिस क्लब भिल्लारियलसँग उसकै मैदानमा एक शून्य गोलले पराजित भएको हो ।
घरेलु मैदानमा भिल्लारियलको जितमा खेलको शुरुमै एर्नाउट डानजुमाले गरेको गोल नै निर्णायक बन्यो । उनले खेलको आठौं मिनेटमा ड्यानियल पारेजोको पासमा गोल गरेका थिए ।अब दोस्रो लेगमा यही नतिजा कायम राख्न सके भिल्लारियल सेमिफाइनलमा प्रवेश गर्नेछ ।
बायर्नलाई सेमिफाइनलमा प्रवेश गर्न घरेलु मैदानमा हुने दोस्रो लेगमा कम्तीमा दुई शून्यको जितको खाँचो छ । एक शून्यको जितले पनि बायर्नको अघिल्लो चरण पुग्ने सम्भावना जीवित रहन्छ । दोस्रो लेग १२ मार्चमा एलिएन्ज एरिना म्युनिखमा हुनेछ ।
