तेस्रो आँखा
काठमाडौं, ९ वैशाख । पछिल्लो २४ घण्टामा नेपालभर थप १८ जनामा कोरोना संक्रमण पुष्टि भएको छ ।
जम्मा तीन हजार छ सय ५१ जनाको नमुना परीक्षण गर्दा १८ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
दुई हजार एक सय ३३ जनाको पिसिआर परीक्षण गर्दा नौ जनामा र एक हजार पाँच सय १८ जनाको एन्टीजेन परीक्षण गर्दा नौ जनामा कोरोना संक्रमण पुष्टि भएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने २५ जना संक्रमित निको भएका छन् ।
हाले नेपालभर सक्रिय कोरोना संक्रमितको संख्या दुई सय ८२ रहेको छ ।
