तर, ओलीले प्रक्रिया पूरा नगरी शिलान्यास गर्दा नाै महिनासम्म काम नै सुरु भएकाे छैन । जस लिनलाई ओलीले तत्कालिन समयमा लगानी बोर्डले लगानी स्वीकृतसमेत नगरी पार्क शिलान्यास गरेका थिए । यद्यपि, बोर्डले करिब ६५ अर्ब बजेट स्वीकृत गरिसकेको छ ।
२१ बिघा क्षेत्रफलमा बन्ने औद्योगिक पार्क चीनको ल्हासा इकोनोमिक एन्ड टेक्नोलोजी डेभलपमेन्ट जोन जिङपिङ जोइन्ट कन्स्ट्रक्सनले निर्माण गर्ने औद्योगिक क्षेत्र व्यवस्थापन लिमिटेडका अध्यक्ष नन्दकिशोर बस्नेतले जानकारी दिनुभयाे । जहाँ एक सयभन्दा बढी विभिन्न उद्योग बन्नेछ । सुरुको दुई वर्षमा कम्तीमा २५ उद्योगको भौतिक पूर्वाधारको निर्माण सक्ने भनिएको थियो । यहाँ निर्माण सम्पन्न हुँदासम्म चिनियाँ कम्पनीले साढे तीन सय अर्बसम्म लगानी गर्ने उहाँले बताउनुभयाे ।
लगानी बोर्डले ढिलाई गर्दा काम सम्पन्न हुन नसकेको अध्यक्ष बस्नेतले बताए । उनका अनुसार लगानी बोर्डले विस्तृत योजना सम्झौतामा ढिलाई गर्दा फिल्डमा काम हुन सकेको छैन । ‘सबै काम सकिएको छ । चिनियाँ टोलीले फिल्डमा माटो परीक्षणको काम पनि सकेको छ,’ उहाँले भन्नुभयाे, ‘अब प्रोजेक्ट डिटेल एग्रिमेन्टका लागि लगानी बोर्डमा छ । यो अन्तिम प्रक्रिया हो । लगानी बोर्डमा छलफलको क्रममा छ । यो चिनियाँ कम्पनी र नेपाल सरकारबीच हुने सम्झौता हो ।’
उहाँकाअनुसार लगानी बोर्डले जति चाडो गर्यो त्यति नै छिटो भौतिक संरचनाको काम पनि सुरु हुनेछ । जग्गा व्यवस्थापनको काम सकिएकाे बताउदै अब लगानी बोर्डले पीडिएको काम जति छिटो गर्यो त्यति छिटो काम हुने उहाँकाे भनाइ छ । जग्गा व्यवस्थापनको काम सकिएको पनि उहाँले जानकारी दिनुभयाे । उहाँकाअनुसार फिल्डमा अहिले केही पनि हुन्न ।
लगानी बोर्डले काम सकेपछि चिनियाँ कम्पनीले काम सुरू गर्नेछ। लगानी बोर्डले पहिल्यै सक्नुपर्ने भएपनि अझै काम नसकेकाे उहाँले बताउनुभयाे । उहाँकाअनुसार अझै दुई/ तीन महिना लाग्नछ । बोर्डले ढिलाई गरे चिनियाँ कम्पनी फर्कन पनि सक्ने चेतावनी उहाँले दिनुभयाे । सरकार परिवर्तन भइरहदा पनि काम काम गर्न समस्या भएकाे उहाँकाे गुनासाे छ । 'पुरानो सरकारले गरेका कुनै पनि काम अघि बढेको छैन,' उद्योग मन्त्री पनि हुनुहुन्न,’ बस्नेतले भन्नुभयाे, ‘उस्तै पर्यो भने त फर्कन्छ । भनेको समयमा उनीहरूको त काम हुनुपर्छ ।’
ओलीको निर्वाचन क्षेत्रस्थित दमक, कमल र गौरादहको संगमस्थल रतुवा नदीको बगरमा बन्ने औद्योगिक पार्क निर्माण हुनेछ । ओलीले शिलान्यास गरेपछि काम नहुँदा वरिपरि काँस पलाएर शिलान्यास गरेको स्तम्भ नै नदेखिने अवस्थामा पुगेको छ । त्यो क्षेत्रमा निर्माणको नाममा ओलीले शिलान्यास गर्दाको स्तम्भव मात्र छ ।
