तेस्रो आँखा
काठमाडौं, ८ साउन । पछिल्लो २४ घण्टामा नेपालभर थप तीन सय ४७ जनामा कोरोना संक्रमण पुष्टि भएको छ ।
जम्मा तीन हजार आठ सय ८८ जनाको नमुना परीक्षण गर्दा तीन सय ४७ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
दुई हजार तीन सय ६० जनाको पिसिआर परीक्षण गर्दा तीन सय तीन जनामा र एक हजार पाँच सय २८ जनाको एन्टीजेन परीक्षण गर्दा ४४ जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण दुई जनाको मृत्यु भएको छ भने ९५ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या तीन हजार एक सय ७७ रहेको छ ।
