तेस्रो आँखा
काठमाडौं, ९ साउन। पछिल्लो २४ घण्टामा नेपालभर थप पाँच सय ६८ जनामा कोरोना संक्रमण पुष्टि भएको छ ।
जम्मा चार हजार आठ सय जनाको नमुना परीक्षण गर्दा पाँच सय ६८ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
तीन हजार ८४ जनाको पिसिआर परीक्षण गर्दा चार सय ५३ जनामा र एक हजार सात सय १६ जनाको एन्टीजेन परीक्षणका क्रममा एक सय १५ जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण एक जनाको मृत्यु भएको छ भने ९५ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या तीन हजार पाँच सय ३४ पुगेको छ ।
