तेस्रो आँखा
काठमाडौं, १५ साउन। पछिल्लो २४ घण्टामा नेपालभर थप ६२० जनामा कोरोना संक्रमण पुष्टि भएको छ ।
जम्मा पाँच हजार ८४६ जनाको नमुना परीक्षण गर्दा ६२० जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
दुई हजार ६५१ जनाको पिसिआर परीक्षण गर्दा ४९६ जनामा र तीन हजार १९५ जनाको एन्टीजेन परीक्षण गर्दा १२४ जनामा कोरोना संक्रमण देखिएको हो ।
पछिल्लो २४ घण्टामा कोरोना संक्रमणको कारण एक जनाको मृत्यु भएको छ भने दुई सय ९७ जना निको भएका छन् ।
हाल नेपालभर सक्रिय कोरोना संक्रमितको संख्या चार हजार ५६७ रहेको छ ।
