तेस्रो आँखा
काठमाडौं, १८ साउन। पछिल्लो २४ घण्टामा नेपालभर थप ९१५ जनामा कोरोना संक्रमण पुष्टि भएको छ ।
जम्मा छ हजार दुई जनाको नमुना परीक्षण गर्दा ९१५ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
तीन हजार ९१ जनाको पिसिआर परीक्षण गर्दा ५९० जनामा र दुई हजार ९११ जनाको एन्टीजेन परीक्षण ३२५ जनामा कोरोना संक्रमण देखिएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने ३०१ जना निको भएका छन् ।
हाल नेपालभर सक्रिय कोरोना संक्रमितको संख्या पाँच हजार ४३३ रहेको छ ।
