तेस्रो आँखा
काठमाडौं, २३ साउन। पछिल्लो २४ घण्टामा नेपाभर थप नौ सय ३४ जनामा कोरोना संक्रमण पुष्टि भएको छ ।
जम्मा पाँच हजार तीन सय ५१ जनाको नमुना परीक्षण गर्दा नौ सय ३४ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
दुई हजार आठ सय ६२ जनाको पिसिआर परीक्षण गर्दा चार सय ९८ जनामा र दुई हजार चार सय ८९ जनाको एन्टीजेन परीक्षण गर्दा चार सय ३६ जनामा कोरोना संक्रमण पुुष्टि भएको हो ।
मन्त्रालयका अनुसार पछिल्लो २४ घण्टामा कोरोना संक्रमणको कारण एक जनाको मृत्यु भएको छ भने चार सय ७० जना निको भएका छन् ।
हाल नेपालभर सक्रिय कोरोना संक्रमितको संख्या पाँच हजार छ सय ८६ रहेको छ ।
