तेस्रो आँखा
काठमाडौं । पछिल्लो २४ घण्टामा नेपालभर थप पाँच सय ४२ जनामा कोरोना संक्रमण पुष्टि भएको छ ।
जम्मा चार हजार नौ सय ३० जनाको नमुना परीक्षण गर्दा पाँच सय ४२ जनामा कोरोना संक्रमण देखिएको स्वास्थ्य तथा जनसंख्या मन्त्रालयले जनाएको छ ।
दुई हजार ८२ जनाको पिसिआर परीक्षण गर्दा दुई सय २४ जनामा र दुई हजार आठ सय ४८ जनाको एन्टीजेन परीक्षण गर्दा तीन सय १८ जनामा कोरोना संक्रमण पुष्टि भएको छ ।
मन्त्रालयका अनुसार पछिल्लो २४ घण्टामा कोरोना संक्रमणको कारण कसैको मृत्यु भएको छैन भने चार सय २१ जना संक्रमित निको भएका छन् ।
हाल नेपालभर सक्रिय कोरोना संक्रमितको संख्या पाँच हजार दुई सय ६५ रहेको छ ।
