तेस्रो आँखा
काठमाडौं । पछिल्लो चौबीस घण्टामा नेपालभर थप चार सय ४४ जनामा कोरोना भाइरस पुष्टि भएको छ ।
जम्मा चार हजार नौ सय ५४ जनाको नमुना परीक्षण गर्दा चार सय ४४ जनामा कोरोना भाइरस पुष्टि भएको स्वास्थ्य तथा जनसंख्या मन्त्रालयले जनाएको छ ।
एक हजार नौ सय ९६ जनाको पिसिआर परीक्षण गर्दा दुई सय ११ जनामा र दुई हजार नौ सय ५८ जनाको एन्टीजेन परीक्षण गर्दा दुई सय ३३ जनामा कोरोना भाइरस देखिएको हो ।
मन्त्रालयका अनुसार पछिल्लो चौबीस घण्टामा कोरोना संक्रमणको कारण तीन जनाको मृत्यु भएको छ भने तीन सय सात संक्रमित निको भएका छन् ।
हाल नेपालभर सक्रिय कोरोना संक्रमितको संख्या चार हजार एक सय ९९ रहेको छ ।
